Laudio

Hainbat ekintza antolatu dira Laudion Udalbiltza auziaren alorrean

Edorta Moreno Martin 2010-07-05 11:55   Politika

Udalbiltzako auziperatuen sustengu taldeak (“Bai Udalbiltzari, bai Euskal Herriari”) hainbat ekimen antolatu ditu Laudion hurrengo egunetarako auziaren inguruan herriaren atxikimendua lortzea xede delarik. Gaur bertan herri atxikimendua adierazteko kontzentrazioa antolatu da Herriko Plazan arratsaldeko 20:30etan.
    

Merkatariek hobekuntzak eskatu dituzte Laudioko merkatu plazan

Lucia Menoyo 2010-07-02 19:15  Laudio

Plazako arkupeak beiraz babestea eskatu dute merkatariek, beraiek eta bezeroek eguraldi txarraren eragina sufri ez dezaten eta ingurua garbi mantentzea errazagoa izan dadin. Horretaz gain, paretak margotzea eta komunak egokitzea ere eskatu dute.

Herrian merkataritza biziberritzeko PERCO mahaia osatzen duten agenteek egin dute eskaera, Eusko Jaurlaritzaren Merkagune izeneko laguntza programaren baitan. Datorren udazkenerako espero da lanen abiatzea.

Pirritx eta porrotxen "irrien lagunak" ikuskizuna gaur Laudion

Gartzen Garaio Atxurra 2010-07-01 13:01  Laudio

Kultura programaren baitan antolatutako ekitaldia izango da gaur arratsaldeko 18etatik aurrera Laudioko Aldaikorreka plazan eskainiko dutena.

Pirritx eta Porrotx pailazo ezagunek ikuskizun bizia eta kolorez betea ekarriko dute gaurkoan gurera, txikien eta ez horren txikien irriak piztearekin batera hainbat eta hainbat gairen inguruan hausnartu dezagun gonbidapena egitera, den dena baina, haurren begietatik jasoa.

Laudioko taxi gidariek herriko taxi araubidearen funtzionamendu eza salatu egin dute udalean

Txabi Alvarado Bañares 2010-06-30 13:37  Laudio

Astelehen honetan Laudioko Udalean egin den plenoan parte hartu duten herriko taxi gidariek ibilgailu hauen erabileraren araubidea betetzen ez dela salatu dute alkatearen aurrean.

Pasa den urteko urrian Laudion dabiltzan taxientzako araubide bat atera zen udalean, non baimenik gabeko taxilarien edota, baimen bakarra izanik, auto bat baino gehiago erabiltzen duten gidarien erregulazio, mugapen eta zigortzea handitu egiten zen. Ordenantza hori jarri zenetik, ordea, gauzak ez direla aldatu azaldu dute plenora bertaratutako zortzi taxilariek.

Mada Lado izango da Laudioko jaietako pregoilaria

Gartzen Garaio Atxurra 2010-06-30 11:54  Laudio

Laudioko San Roke jaietan emakumearen lana eta figura omendu nahi izan dituzte Mada Lado aukeratuta pregoilari bezala. Jaietako zinegotzia den Toño Bilbaok adierazi duenez, “emakumeak gizartearen esparru guztietan egiten duen lana goraipatu nahi izan dugu horrela”. “Mada Ladok gure herriko emakumearen profil eta irizpide guztiak betetzen ditu”.

Laudioko ipuin lehiaketako irabazleak zeintzuk diren azaldu dute

Irati Mendiguren Cosgaya 2010-06-29 16:33

Laudioko udalak antolaturiko ipuin lehiaketaren XIX.edizioak irabazleen izen abizenak zeintzun diren erabaki du dagoeneko. Fernando Alejandre izan da helduen sailean gaztelerazko ipuinen lehen saria eraman duena  ’Matías y sus empresas’ lanarekin. Bestalde, Oskar Azkonaren euskarazko lanak hartu du epaimahiaren erabakiz saria ‘Sinesmen talkak’ narrazioarekin hain zuzen.

Gazteen mailan aldiz beste hainbeste saritu 

PSE-EEak Udal Lanbide Heziketa Eskola ikastegi publikoen sarean sartzea salatu du

Izar Mendiguren Cosgaya 2010-06-28 13:53   Hezkuntza

Txaro Sarasua zinegotzi sozialistak prentsa ohar batean adierazi du, PSOEren partetik balorazio negatiboa dela PNVk eskatuta Eusko Jaurlaritzak Udal Lanbide Heziketa Eskola ikastegi publikoen sarean sartzeko hartutako erabakiaren emaitza. Sarasuaren alderdiaren aburuz, PSE-EEak 2010eko urtarrilean burututako plenoan, Lanbide Heziketako eskolak dituen gabeziak garbi utzi zituen, eta oraindik hutsune horiek bete ez izana salatu dute.

Laudioko kofradiak emakumeak onartuko ditu

Txabi Alvarado Bañares 2010-06-28 00:14  Laudio

Larunbat honetan, Ekainak 26, Laudioko Done Erroke kofradiako kideek herriko jaietako azken egunean antolatzen duten bazkarian Kofradiako kide diren emakumezkoek parte hartzea onartu egin dute. Orain arte, eta 1599. urtetik, emakumezkoek ekitaldi horretan parte hartzea galarazita zeukaten.

San Joan Astobitzako jaiak ez du etenik

Txabi Alvarado Bañares 2010-06-25 09:39  Laudio

Abian dira jada San Joan Astobitzako jaiak. Uda hasieran ospatzen den festa honen egiatrauaren lehenbiziko ekitaldiak orain dela astebete burutu baitziren Larrazabaleko San Joan ermitaren alboan kokaturik dagoen bolatokian. Bertan larunbat goizera arte luzatu zen bola txapelketaz gozatzeko aukera egon zen.