Tubos Reunidoseko langileak BBVAren akziodunen batzarraren aurrean elkartu dira, prentsaurrekoa egin baino lehen. Polizia euren aurka oldartu da eta behargin bat lurrera bota, identifikatu eta desobedientzia leporatu dio. Prentsa agerraldian hori eta enpresan gertatzen ari denaren manipulazioa salatu dute.

ESK sindikatuak ikertu ditu Tubos Reunidosek jarritako baldintzak kaleratze boluntariorako bidea hautatu dutenei eta salatu du xantaia eta presioa egiteko modua direla, bai aukera hori hautatu dutenentzat (48 ordu eskas eman dietelako dokumentazioa betetzeko) zein sindikatuentzat.