Lantegi berria inauguratu du Tubos Reunidos enpresak Gasteizen

Erabiltzailearen aurpegia Erredakzioa   Ekonomia  Amurrio

Lantegi berria inauguratu du Tubos Reunidos enpresak Gasteizen

Iragan maiatzaren 13an inauguratu zuen Tubos Reunidos enpresak bere lantegi berria Gasteizen, funtzionamenduan jada bi hilabete inguru daramatzan arren. Tubos Reunidos eta Marubechi-Itochu Tubulars Europe enpresen arteko aliantzaren fruitua da fabrika berria. Marubechi-Itochu enpresa japoniar bat da, altzairuzko produktuen salmenten munduko liderra den talde baten parte dena (8.000 langile ditu 120 herrialdetan). Biena da fabrika, baina Tubos Reunidos da gehiengoaren jabea (% 51).

Tokiko Garapen Agentziak 577 pertsona trebatu zituen 2015ean eta legealdiko jarduna abiatu du

Erabiltzailearen aurpegia Aitor Fernandez de Pinedo   Ekonomia

Tokiko Garapen Agentziak 577 pertsona trebatu zituen 2015ean eta legealdiko jarduna abiatu du

Laudioko Tokiko Garapen Agentziak 2015-18 legealdiko Enplegurako sektore-kontseiluaren bilera zikloa abian jarri du maiatzaren 12an burutu berri den Enplegu Batzarrarekin. Aurreko legealdian eta 2015. urtean izandako jardunaren balantzea eta datozen hiru urtetarako egitasmoak izan dituzte aztergai, besteak beste, eragile sozialak, erakundeetako ordezkariak eta alderdi politikoetako ordezkarien foroan.

Tubacex eta JEZ enpresetako zuzendaritzek sindikatuekin duten jarrera salatu du LABek

Erabiltzailearen aurpegia Erredakzioa   Ekonomia  Aiaraldea

Tubacex eta JEZ enpresetako zuzendaritzek sindikatuekin duten jarrera salatu du LABek

LAB sindikatuak oharra zabaldu du salatzeko Tubacex eta JEZ enpresetako presidenteek hedabideetan eginiko adierazpenak. Eskualdeko lan egoera sindikatuen intrantsigentziari egotzi zioten bi zuzendaritzek iragan astean.

LABek nabarmendu du enpresariek errua bota dietela langileen erakundeei eta ez gobernuek onartutako lan eskubideen murrizketei. Sindikatuaren aburuz, enpresen zuzendaritzen interesekin bat egiten ez dutenean, intrantsigenteak izatea leporatzen diete.

Tubacex enpresak 500.000 euro galdu ditu 2016ko lehenengo hiru hilabeteetan

Erabiltzailearen aurpegia Erredakzioa   Ekonomia  Aiaraldea

Tubacex enpresak 500.000 euro galdu ditu 2016ko lehenengo hiru hilabeteetan

Tubacex enpresak oharra kaleratu du 2016ko jardueraren balorazioa egiteko. Zuzendaritzak azaldu du 500.000 euroko galera izan dutela lehen hiruhilekoan petrolioaren inbertsioen murrizketen eta lehengaien prezioaren jaitsieragatik.

Izan ere, 121,4 milioi euroko salmentak egin ditu urtarrilean, otsailean eta martxoan, iaz baino %24 gutxiago. Edonola ere, 75 milioi euroko kontratua eskuratu du Ekialde Hurbilean hodi OCTGak ekoizteko; produktu horrekin inoiz lortutako kontraturik handiena, alegia. Apirilean hasi ziren ekoizten Amurrion.

Amurrioko Udalak 12.600.000 euroko aurrekontua onartu du

Erabiltzailearen aurpegia Erredakzioa   Ekonomia  Amurrio

Amurrioko Udalak 12.600.000 euroko aurrekontua onartu du

Atzo Amurrioko Udalak 2016 urteko aurrekontuak onartu zituen ezohiko osoko bilkuran. Herriak 12.608.991,09 euro izango ditu aurten, iaz baino 714.000 euro gutxiago. Aurrekontuen proiektuak EAJ eta PSE-EEren aldeko bozak jaso ditu, Guk Bai, PP eta EH Bilduren abstentzioak eta Orain Amurrio-Podemosen aurkako botoak.

Tuboseko espedientea hasi arren, behargin gehienek lanean jarraitu beharko dute hurrengo asteetan

Erabiltzailearen aurpegia Erredakzioa   Ekonomia  Amurrio

Tuboseko espedientea hasi arren, behargin gehienek lanean jarraitu beharko dute hurrengo asteetan

Enplegua erregulatzeko espedientea apirilaren 21ean abiatu zuen Tubos Reunidos enpresako zuzendaritzak. Hala ere, behargin gehienek lanean jarraitu beharko dute, gutxienez, maiatzaren bigarren hamabostaldia heldu arte.

Iturri sindikalek azaldu dute ekoizpena ezin dela gelditu eta eskariak bete behar dituztela. Egoerak indartu ditu ELA eta LAB sindikatuen argudioak eta jarrera, espedientearen arrazoien aurkako txostena prestatu baitzuten eta akordioa sinatzeari uko egin baitzioten.

Diru-laguntzak lortzeko landatasun maila berrikustea eskatu diote Eusko Jaurlaritzari eta Aldundiei

Erabiltzailearen aurpegia Erredakzioa   Ekonomia  Aiaraldea

Diru-laguntzak lortzeko landatasun maila berrikustea eskatu diote Eusko Jaurlaritzari eta Aldundiei

Orozkoko, Urduñako eta Amurrioko Udalek eskaera egin diete Eusko Jaurlaritzari eta Arabako zein Bizkaiko Foru Aldundiei: Landa Eremuko Garapenaren Planari dagokionez landatasun mailen sailkapenak berrikusi ditzaten. Prozesua oraindik irekita dago eta Urduñako zenbait aldarrikapen onartu dituzte, adibidez.

Landatasun mailen sailkapenak landa eremuko guneek diru-laguntzak eskuratzeko aukera errazten dute: Leader edo Erein programek banatzen dituzten laguntzak, alegia. Hori bai, horretarako gradu 1, 2 edo 3 izan behar dute, eta gehienek 4. gradua jaso dute.

Zorrik gabe dago udala eta 581.556 euroko soberakinak pilatu ditu

Erabiltzailearen aurpegia Erredakzioa   Ekonomia  Artziniega

Zorrik gabe dago udala eta 581.556 euroko soberakinak pilatu ditu

Artziniegako Udalak jakinarazi du 2015 urtea 581.556 euroko soberakinekin itxi duela. Adierazi dutenez, iaz 271.405 € aurreztu zituen erakundeak.

Guztira, 1.831.366€ gastatu zituen eta 1.914.488 euroko diru sarrera izan zituen.  

Inbertsioei dagokionez, udalak 300.000€ bideratu zituen  A2602 eta A4624 errepidetan konponketak egitera. Bestalde, 290.865€ erabili zituen hainbat lan gauzatzeko: Gernika etorbidean, Arteko Gure Ama Ikastetxean, Erretes Tudelan, futbol zelaian, kiroldegian, udaletxean edota Gordeliz auzoan.

Fakturazio-kopurua laukoiztu du udal-hiltegiak eta abere ekologikoak ere sakrifikatzen ditu

Erabiltzailearen aurpegia Erredakzioa   Ekonomia  Laudio

Fakturazio-kopurua laukoiztu du udal-hiltegiak eta abere ekologikoak ere sakrifikatzen ditu

Udal hiltegiak bere fakturazioa laukoiztu du 4 urtetan, 2011tik 2015era, hain zuzen. Guztira, 148.475€ fakturatzetik  641.772 eurora igaro da.

Tokiko erakundeak zenbait inbertsio gauzatu du azpiegituretan eta bereziki nabarmendu du ganadu ekologikoa sakrifikatzeko gaitasuna. EAEn Oñatin eta

Zestoan bakarrik dute aukera hori gaur egun. Izan ere, 2014ko ekainean lortu zuten ziurtagiria Laudion eta geroztik 196 animali hil dituzte horrela, gehienak behiak (138, alegia). Guztira 34 tona haragi ekologiko ekoiztu dute hiltegian.

150.000 euro bideratuko ditu udalak futbol zelaiko belar artifiziala konpontzeko

Erabiltzailearen aurpegia Erredakzioa   Ekonomia  Orozko

150.000 euro bideratuko ditu udalak futbol zelaiko belar artifiziala konpontzeko

389.000 euro bideratuko ditu Orozkoko Udalak herrian hainbat hobekuntza egitera. Hasteko, zenbait zerbitzuren kalitatea handitzeko esleipena gauzatuko dute 65.000 euroren truke.

Akordiorik gabe bukatu dira enplegua erregulatzeko espedientearen negoziazioak Tubos enpresan

Erabiltzailearen aurpegia Erredakzioa   Ekonomia  Amurrio

Akordiorik gabe bukatu dira enplegua erregulatzeko espedientearen negoziazioak Tubos enpresan

Gaur akordiorik gabe bukatutzat eman dituzte negoziazioak Tubos Reunidos enpresako zuzendaritzak eta langile ordezkariek. Hortaz, negoziazio mahaiaren ibilbidea amaitu da eta beharginak enpresaren zain geratuko dira.

840 herritarrek hobariak jaso dituzte Ondasun Higiezinen Zergan 2015ean

Erabiltzailearen aurpegia Aitor Fernandez de Pinedo   Ekonomia

840 herritarrek hobariak jaso dituzte Ondasun Higiezinen Zergan 2015ean

Laudioko Udalak aurkeztu berri du Ondasun Higiezinen Zergaren -OHZ- kudeaketan 2015ean emandako hobarien balantzea. Orotara 102.801 euroko balioa duten hobariak aitortu dizkie 840 herritarri, jasotako eskaeren %92,5a.

Hobariek aitortzen dizkiete %20tik %90ra bitarteko beherapena OHZren kitapenean 0 eta 21.000 euroko errenta tartean dauden familiei.

Honez gain, beste 232 herritar zatikako ordainketa aukeraz baliatu dira 2015ean zerga ordaintzeko orduan.

Herriguneko gasolindegia kenduko dute udan

Erabiltzailearen aurpegia Erredakzioa   Ekonomia  Amurrio

Herriguneko gasolindegia kenduko dute udan

Amurrioko Udalak herriko erdigunean dagoen gasolindegiak okupatzen dituen lursailak husteko agindua onartu du aho batez. 

Merkataritza-plan estrategikoa egingo dute hurrengo 6 hilabeteetan

Erabiltzailearen aurpegia Erredakzioa   Ekonomia  Laudio

Merkataritza-plan estrategikoa egingo dute hurrengo 6 hilabeteetan

Laudioko Udalak 25.000 euro inbertituko ditu Merkataritza-plan estrategikoan. Oraindik esleipena egin behar dute, baina erakundeak adierazi du 6 hilabateko epea izango duela kontratatuko duten enpresak plana egiteko.

Plan estrategikoak zenbait ardatz izango du, PERCO mahaiarekin adostu baitute. Hasteko, herrigunea eta merkataritza kudeatzeko modu berriak aztertu nahi dituzte. 

Zentzu horretan, esparru publiko eta pribatuaren arteko elkarlana lantzeko asmoa daukate, edo horretarako aukerak aztertu, gutxienez.

Enplegua murrizteko espedientearen aurka mobilizatu dira Tubos Reunidoseko langileak

Erabiltzailearen aurpegia Erredakzioa   Ekonomia  Amurrio Elkarretaratzea egin dute Tubos Reunidoseko langileek Amurrion gaur eguerdian, enplegua murrizteko zuzendaritzak aurkeztu duen espedientearen aurka.