"Espero dut epaiketan argi geratzea muntaia poliziala izan dela dena"

Erabiltzailearen aurpegia Erredakzioa   Politika  Laudio

"Espero dut epaiketan argi geratzea muntaia poliziala izan dela dena"

IÑAKI MONTES (Basauri, 1971) JEZ enpresako langilea eta sindikalista da. 2014ko martxoaren 3ko FMIren (Nazioarteko Moneta Funtsa) aurkako manifestazioan atxilotu zuten eta 5 urteko kartzela zigor eskaerari aurre egin beharko dio hurrengo astean izango duen epaiketan. Epaiketa hori salatzeko mobilizazioa egingo dute gaur 19:30etan Laudioko Lamuza Plazatik abiatuta.

Zein da zure egoera?

Ehundik gora herritarrek salatu dute Iñaki Montesen aurkako epaiketa

Erabiltzailearen aurpegia Txabi Alvarado Bañares   Politika  Laudio Ehundik gora herritar bertaratu dira Iñaki Montesi elkartasuna adierazteko gaur arratsaldean eginiko mobilizaziora. 5 urteko kartzela zigorra eskatzen diote JEZeko langileari, 2014an Troikaren aurkako protesta batzuetan parte hartzeagatik.

Eragile ugari atxikitu dira Iñaki Montesen aldeko mobilizaziora

Erabiltzailearen aurpegia Erredakzioa   Politika  Laudio

Eragile ugari atxikitu dira Iñaki Montesen aldeko mobilizaziora

Eskualdeko eragile ugarik atxikimendua eman diote bihar Laudion egingo den mobilizazioari. "Iñaki Montes eta besteak libre" lemapean egingo da manifestazio hori, eta JEZeko langileak hilaren 24an izango duen epaiketa salatzea izango du helburu.

Honako eragile hauek egin dute bat deialdiarekin:

*Langile batzordeak: Guardian, Megatech, Iñauxa, Gometegui eta Buniolakoak

*Pertsonal ordezkariak: Atxakoak eta Tubacexeko Garbialdikoak.

*Sail sindikalak: LAB Tubos Reunidos, ESK Megatech Peninsula Ibérica, LAB Amurrio Ferrocarril, LAB Aianox eta LAB Geslagun

Hilaren amaieran hasiko dira Frontoi kaleko obrak

Erabiltzailearen aurpegia Erredakzioa   Politika  Amurrio

Hilaren amaieran hasiko dira Frontoi kaleko obrak

Frontoi kaleko obrak esleitu berri ditu Amurrioko Udalak. Asfaltados y Construcciones Morga S.L. enpresa arduratuko da obra egiteaz, 847.977,92 euroko aurrekontuarekin. Hilaren amaieran hasiko dira lanean, eta 12 hilabeteko epean amaitu beharko dute proiektua.

KALE-INKESTA: Etxe hutsei zergak jartzearen aldekoa zara?

Erabiltzailearen aurpegia Erredakzioa   Politika  Aiaraldea Etxebizitza hutsei % 50rainoko errekargua ezarri ahalko diete udalerri arabarrek datorren urtetik aurrera, Ondasun Higiezinen gaineko Zergaren bidez. Gu kalera atera gara herritarrek gai honen inguruan duten iritzia jasotzera.

Trenbidearen “irisgarritasuna eta segurtasuna” bermatzeko obrak iragarri dituzte ADIFek eta RENFEk

Erabiltzailearen aurpegia Erredakzioa   Politika  Aiaraldea

Trenbidearen “irisgarritasuna eta segurtasuna” bermatzeko obrak iragarri dituzte ADIFek eta RENFEk

Gaur eguerdian bildu dira Aiaraldeko EH Bilduko alkateak (Idoia Aginako, Itziar Duoandikoetxea, Jabi Asurmendi eta Natxo Urkixo) RENFE eta ADIF enpresetako ordezkariekin. Eskualdeko trenbideak eta tren-geltokiek dituzten “segurtasun eta irisgarritasun” gabezien inguruan mintzatu dira.

Arakaldoko alkatea den Jabi Asurmendik eginiko adierazpenak:

[video:https://www.youtube.com/watch?v=b6zqBjTtr_0&feature=youtu.be]

Oroimenaren Eguna dela eta 5 minutuko elkarretaratze isila egingo dute Amurrion eta Laudion

Erabiltzailearen aurpegia Erredakzioa   Politika  Aiaraldea  Amurrio

Oroimenaren Eguna dela eta 5 minutuko elkarretaratze isila egingo dute Amurrion eta Laudion

Bihar Oroimenaren Eguna egingo dute Amurrion eta Laudion. Hori dela eta, udaleko ordezkariek deitu dute Juan Urrutia plazan eta Herriko Plazan, 12:00etan, bost minutuko elkarretaratze isila. Herritarrei irekita dago ekimena.

Auzo batzarren bigarren txanda abiatuko dute bihar

Erabiltzailearen aurpegia Erredakzioa   Politika  Laudio

Auzo batzarren bigarren txanda abiatuko dute bihar

Laudioko Udalak ekingo dio auzo batzarren urteko bigarren txandari. Horietan, auzokideen kezkak jaso ez ezik, erakundearen jardueraren berri ere emango dute (aurreko bileretan jorratutako gaiak ere landuko dituzte).

ADOS. Arrankudiaga-Zolloko herri kontsulta herritarren ahotsetik

Erabiltzailearen aurpegia Erredakzioa   Politika  Aiaraldea  Arrankudiaga-Zollo

2014ko azaroaren 02an antolatu zuen ADOS herri plataformak herri-kontsulta Arrankudiaga-Zollon. Orduan "Euskal estatu burujabe baten parte izan nahi duzu?" galderari baietz erantzun zioten hautes-ontzietara hurbildutako herritarren gehiengoak. Bigarren urteurren honetan, erabakitzeko eskubidearen alde antolatutako herri-kontsulta gogora ekarri dute Ados plataformako kideek eta Arrankudiaga-Zolloko herritarrek.

Etxebizitza hutsei zergak ezartzeko aukera izango dute Arabako udalek datorren urtetik aurrera

Erabiltzailearen aurpegia Txabi Alvarado Bañares   Politika  Aiaraldea

Etxebizitza hutsei zergak ezartzeko aukera izango dute Arabako udalek datorren urtetik aurrera

% 50 arteko errekargua ezarri ahalko diete 2017tik aurrera udalerri arabarrek etxebizitza hutsen jabeei, Ondasunen Higiezinen gaineko Zergaren bidez. EUSTATen arabera, 4.215 etxe huts daude eskualdean.

Datorren urtetik aurrera, Arabako udalerriek % 50 arteko  errekargua ezarri ahalko diete etxebizitza hutsei Ondasun Higiezinen gaineko Zergaren (OHZ) bidez. Inor erroldatuta ez dagoen etxeak kontsideratuko dira etxebizitza huts.

Erabakitzeko eskubidearen aldeko jaia egingo dute igandean, herri galdeketaren bigarren urteurrena omentzeko

Erabiltzailearen aurpegia Markel Iturrizar   Politika

Erabakitzeko eskubidearen aldeko jaia egingo dute igandean, herri galdeketaren bigarren urteurrena omentzeko

Duela aste batzuk jakinarazi zuten bezala, azaroaren 6an (igandean) jaia egingo da Arrankudiaga-Zollon eginiko herri-galdeketaren bigarren urteurrena dela eta. Programa prestatzeko, ADOS plataformarentzat funtsezkoa den gauza bat hartu dute kontuan: parte-hartzea eta protagonismoa kontsultaren ardatz nagusiarengan, hau da, auzokideengan jartzea.

Juanjo Yarrituk ordezkatuko du Eva Blanco legebiltzarkidea udalean

Erabiltzailearen aurpegia Erredakzioa   Politika  Amurrio

Juanjo Yarrituk ordezkatuko du Eva Blanco legebiltzarkidea udalean

Eva Blanco EH Bilduko kideak Legebiltzarrean zentratuko du jarduera eta, ondorioz, uko egingo dio zinegotzia izateari Amurrioko Udalean. Orain arte bozeramaile lanak bete ditu bertan, baina bere lekua Juanjo Yarrituri utziko dio. Izan ere, pasa den astean, Legebiltzarreko Lehen Presidenteordea izendatu zuten eta horrek haren dimisioa ekarri du, ardura berriak dakarren lan karga dela eta.

Atzoko udal osoko bilkuran agurtu zen Eva Blanco eta eskerrak eman zizkion bere kide guztiei.

Saint Martin de Re espetxera heldu da Aletxu Zobaran

Erabiltzailearen aurpegia Erredakzioa   Politika  Amurrio  Amurrio: Saratxo

Saint Martin de Re espetxera heldu da Aletxu Zobaran

Azkenik Saint Martin de Re kartzelara heldu da Aletxu Zobaran euskal preso politikoa. Gaur jarri da harremanetan senideekin eta egun batzuk aparte eman beharko baditu ere, laster elkartuko da kideekin.

Saratxoko presoak ia astebete behar izan du Valence-Saint Martin de Re ibilbidea egiteko, baina dagoeneko nabaritu du aldaketa; ia Alpeetan espetxeratua egon ostean, jakinarazi die senideei bertan itsasoaren usaina atzeman daitekela.

Carlos Urquijok prozedura hasi du Laudioko Udalaren aurka urriaren 12an irekitzeagatik

Erabiltzailearen aurpegia Erredakzioa   Politika  Laudio

Carlos Urquijok prozedura hasi du Laudioko Udalaren aurka urriaren 12an irekitzeagatik

Carlos Urquijo Espainiako Gobernu ordezkariak salatu nahi ditu urriaren 12an ireki zuten udalak. Horien artean Laudioko tokiko erakundea dago -baita Aulesti, Orereta eta Hernani-.

Hasteko, PPko kideak eskatu die udalei bidaltzeko hori ahabildetzen duen akordioa, argitzeko nor den erabakiaren arduraduna.

Dokumentu horien arabera epaitegian egingo du salaketa Carlos Urquijok. Laudioko udal langileek duela urte batzuk urriaren 12an lanean aritzen dira, baina aurten jabetu da Carlos Urquijo Badalonako aferaren ondorioz.

Aletxu Zobaran asteartean helduko da Saint Martin de Reko espetxera eta atzo Lyonetik igaro zen

Erabiltzailearen aurpegia Erredakzioa   Politika  Amurrio  Amurrio: Saratxo

Aletxu Zobaran asteartean helduko da Saint Martin de Reko espetxera eta atzo Lyonetik igaro zen

Aletxu Zobaran euskal preso politiko saratxoarraren ingurukoek aurreratu dute ez dela helmugara helduko -hau da, Sant Marin Reko espetxera- asteartea baino lehen. Atzo atera zuten Valenceko espetxetik eta Lyon Corbaiseko kartzelan igaro du gaua.

Gaur Re udalerrian omen dago eta bidean egongo da hurrengo egunotan. Ondorioz, 400 kilometro inguruko ibilbidea betetzeko 5 egungo bidaia izango du.